Kittý Síðubiti

Síðubitanámskeið nr 2

2006-03-14T13:40:00.000-08:00

Jæja er ekki komin tími til að blogga smá? Ég fór að tala við Öbbu á Bjargi í dag...kom til hennar og sagði að ég væri langt langt frá því að ná þeim markmiðum sem ég setti mér...að ég hafi mætt alveg hræðilega illa og að ég vissi að hún væri byrjuð með Síðubitanámskeið nr 2(eða 3) og hvort ég mætti ekki slást í hópinn. Abba tók mér frábærlega - sagði að ég ætti bara að drífa mig í síðubitanna og ekkert vera að hugsa um þessa mánuði sem ég ætlaði mér að standa mig vel...nú þyrfti barasta að fara að taka vel á því aftur. Já þessi eilífa eilífa barátta...ég held að hún sé endalaus...niður um nokkur kíló upp um allt of mörg niður og upp niður og upp....
Ég fór á dönsku vigtina í dag og var búin að missa 900 gr síðan í síðustu viku - fékk hrós fyrir það....nú þarf bara að halda vel áfram í danska og vera dugleg í leikfimi...og vonandi verður maður léttari á sér í vor...Þetta síðubitanámskeið er í 8 vikur...svo eftir átta vikur verð ég vonandi hm hvað á maður að segja...allavega 5 kilóum léttari (mætti auðvitað vera 25 en ég ætla að vera raunsæ og gera mér ekki of miklar væntingar)

loksins smá árangur

2006-01-24T15:09:00.000-08:00

Jæja fór í vigtun í dag og fékk Límmiða!!!!! Hafði misst akkúrat 1 kíló - gaman gaman.....vantar bara 600 gr til að komast niður í tveggja stafa tölu!!!! Það verður enn meira fjör þegar það gerist og ætla ég að halda upp á það með því að fara út og fá mér hamborgara og franskar....nei smá grín!!!! En nú er ég í vandræðum...Jón minn er orðin lasin - var með 40 stiga hita í dag fárveikur - kalt og heitt á víxl og með særindi í hálsi - vill lítið borða en drekkur vel. Ingunn var mjög áhyggjufull yfir þessu öllu saman og var á hlaupum í dag til að sinna bróður sínum, var að rétta honum dót, hlaupandi fram eftir vatni handa honum, réttandi honum hálstöflur o.s.frv. Að vísu fékk hún svo afbrygðiskast þegar Jón fékk að liggja hjá mér þegar við vorum að horfa á tv...en það reddaðist allt saman. Aumingja Jón er alveg miður sín að vera veikur núna...hann var búin að bjóða öllum bekknum á Greifann á fimmtudaginn, svo er árshátíð skólans um helgina. Ég var að segja við hann að við þyrftum að fresta afmælishátíðinni á fimmtudaginn og þá sagði hann OH það er ömurlegt að vera lasin á afmælinu sínu.....svo fór hann að skelli hlæja því að Kalli á þakinu segir alveg eins setningu á disknum góða sem við höfum hlustað á svona 10000000 sinnum!!!

Nú eru allir spenntir fyrir sumarbústaðnum góða í Svíþjóð,,allir að plana ferð. Við Siggi verðum að segja pass þetta sumarið - þetta árið fer í að borga upp skuldir...gaman gaman en svona er þetta bara!!!! Það verður víst að borga það sem maður kaupir..það var t.d. ekki alveg á planinu hjá okkur að kaupa hlut í fyrirtæki!!!!!

Ofnanir komnir í lag

2006-01-19T04:55:00.000-08:00

Siggi gat lagað ofnana í stofunni í gær svo það þarf ekki að koma í ullarsokkum og lopapeysum í afmælið. Ég held samt að allt sé að bila hér á heimilinu, sjónvarpið með leiðindi, tölvan með enn meiri leiðindi og svo mætti lengi telja....

stöðnuð

2006-01-18T07:30:00.000-08:00

OH ég er búin að fara í tvígang á vigtina (dönsku) og staðið í stað í bæði skiptin arg arg arg. Nú er ég görsamlega hætt að leyfa mér nokkuð annað en það sem stendur í bókinni góðu og svo er ég aftur komin af stað í leikfimi....lennti hjá Óla í gær og kom út skjálfandi á beinunum en dreif mig samt í morgunn - vaknaði kl 6 og beint í body pump!!!! Ég kom líka skjálfandi þaðan út. Annars hefur lítið gerst hér á Sólvöllum - að vísu á að halda upp á afmæli drengsins um helgina og erum við á fullu að ákveða hvað við eigum að hafa - Jón vill Batman tertu og marens tertu handa afa - ég ætla að baka eitthvað hollt handa öllum leikfimisfríkunum. Þeir sem ætla að koma í afmælið eru vinsamlega beðnir að koma í ullarsokkum og lopapeysu því ofnanir í stofunni eru bilaðir og þar er KALT. Siggi ætlar að prófa að skipta um termó og sjá hvort það dugar. Siggi er heima þessa vikuna en verður svo örugglega sendur eitthvað út á land eftir helgi - brjálað að gera!!! Við vorum að fá það skriflegt að við eigum núna 4.50% í Frostmönnum!!! gaman að því!

Kraftaverkin gerast enn.....

2006-01-03T13:43:00.000-08:00

Ég fór á dönsku vigtina í dag...alveg alveg viss um að vigtin hefði farið upp yfir jólahátiðina vegna þess að ég leyfði mér allt of mikið um jólin. Ég sagði við vigtarráðgjafan að ég væri ekki glöð að stíga á vigtina en hún hrósaði mér samt fyrir að þora að koma. En viti menn það voru 500 gr farin síðan síðast og ég fékk límmiða því að þeir sem léttast yfir jólin fá límmiða!!!!! Já ótrúlegt en satt ég missti smá þrátt fyrir leikfimisskort og allt of mikið át. Ekki mikið en ég bætti heldur ekki neitt á mig og auðvitað er ég alsæl með það!!! Ég var nefnilega búin að búa mig undir það að vigtin færi upp um 1 -2 kíló og var í huganum búin að sætta mig við það - en ég fékk gleðifréttir í staðin og það er auðvitað mjög hvetjandi. Nú fer annað síðubitanámskeið að byrja...ég er búin að setja mér það markmið að léttast um að minnsta kosti 8 kíló á þessum 12 vikum. Ég var búin að minnast á þessa tölu við Öbbu og var hún búin að samþykkja þetta markmið mitt. Svo nú er að spýta í lófana og fara að byrja á fullu aftur. Byrja að fara gjörsamlega eftir danska og taka á því í ræktinni - verð vonandi flott í vor!!!!!

Tíu kíló

2005-12-13T15:06:00.000-08:00

Já ég er búin að missa tíu kíló síðan ég byrjaði í átaki í september - er það ekki barasta ágætis árangur? Ég er allavega alsæl með árangurinn!!!! Ég fór í vigtun í dag skjálfandi á beinunum - hélt að ég væri örugglega búin að bæta einhverju við vigtina vegna jólahlaðborð, afmæli og annað sukk...en 500 gr farin síðan síðast og ég alsæl og glöð!!!

Phu ekki hefur mikið gerst í jólagjafakaupum síðan ég skrifaði síðast. Ég get svarið fyrir það ég veit ekki hvað ég á að kaupa...fór í leiðangur á sunnudaginn og fraus þegar ég kom inn á Glerártorg sem var fullt af fólki og jólastuði...en núna verð ég að fara að gera eitthvað...verð að fara með myndir í framköllun svo að ég geti sent einhver jólakort, verð að fara kaupa eitthverjar jólagjafir. En fyrst verð ég að kaupa afmælisgjöf handa dóttur minni sem verður 4 ára á fimmtudaginn. Hef ekki hugmynd um hvað hægt sé að gefa henni í afmælisgjöf/jólagjöf...hún er með fullt herbergið af dóti, fataskápurinn fullur af fötum!!! Ætli ég endi ekki á Barbí dóti - það er aðaláhugamálið þessa dagana.

enn er vigtað

2005-12-06T17:26:00.000-08:00

Já ég fór á dönsku vigtina í dag...fékk ekki límmiða en hafði þó misst 500 gr sem er ágætt miðað við jólahlaðborð og afmæli. Ég stóð mig samt vel á báðum vígstöðum..borðaði alls ekki mikið á jólahlaðborðinu einfaldlega af því að ég varð svo fljótt södd!!! Í afmælinu fékk ég mér af dönsku réttunum og smá krem...smá súkkulaðikrem og svo tvær piparkökur - dugleg finnst ykkur ekki. Ég væri mjög sátt ef ég þyngist ekki um jólin en ég ætla sko ekki að leggjast í þunglyndi og fýlu þótt að vigtin fari aðeins upp yfir jólahátíðina!!! Tek bara vel á því eftir jólin!!!!! Nú er Siggi farinn á Djúpavog og kemur ekki heim fyrr en um 20 des..phu og við sem eigum eftir að kaupa ALLAR jólagjafir - við erum bæði algjörlega lost í jólagjöfum í ár. Það verður eitthvað keypt á hlaupum rétt fyrir jólin svo ekki láta ykkur bregða ef jólagjafirnar verða eitthvað skrítnar í ár:-) OH nú þarf ég að fara að föndra jólakort með Jóni - ég ÞOLI ekki föndur - ég get svarið fyrir það ég barasta þoli ekki að búa til jólakort og annað föndur - þarf að fara í föndur með Ingunni á föstudaginn!!!! OH leiðinlegt leiðinlegt leiðinlegt!!!! og sérstaklega þegar það er skylda..heimanámið hans Jóns er að búa til Jólakort handa öllum í bekknum - ein 15 stk. Við Jón ætlum í bæinn á morgunn að kaupa pappír, glimmer, límmiða og annað föndurdót. Ég hef annað merkilegra við mína peninga að gera en að kaupa föndurdót - ég MEINA það!!!!!

Síðasta mælingin á Bjargi

2005-12-03T02:36:00.000-08:00

Ég fór á Bjarg áðan til þess að fara í síðustu mælinguna þar fyrir jól!!! Ég hef lést um 9 kíló frá því í september, misst um 7 kíló af fitu (samkvæmt fitumæli), misstu fullt fullt af sentimetrum - helst af brjóstum og maga. Já ég er bara sátt eftir þetta námskeið. Talaði við Öbbu um markmið fyrir næsta námskeið og var hún mjög sátt við mínar hugmyndir. Nú þarf bara að passa sig um jólin - ekki missa sig í smákökur og konfekt!!!!! Er á fullu að skipuleggja afmælið hennar Ingunnar - er búin að baka marens og barbíköku og ætla svo að búa til heita rétti og baka eitthvað úr danska kúrnum!!!!

dýrt námskeið!

2005-11-30T04:41:00.000-08:00

Úps...námskeiðið á Bjargi er dýrt en kostar samt ekki 190000 kr eins og stendur í síðustu færslu heldur kostar það um 19000

Ég fékk límmiða!!!!!!!!!!!!!!!

2005-11-29T10:36:00.000-08:00

Já ég fékk límmiða í bókina og meiri segja tvo!!! Ég léttist um slétt kíló á einni viku og fékk límmiða fyrir það - svo fékk ég límmiða fyrir það að hafa lést um 5 kíló (5.4) síðan ég byrjaði á danska kúrnum!!! Já lífið er skemmtilegt þegar svona vel gengur. Ætli ég hafi ekki lést um rúmlega 8 kíló síðan í september - gaman gaman. Þetta er síðasta vikan hjá síðubitum. Eftir áramót eigum við að setja okkur markmið - hvað ætlar þú að léttast mikið á næstu 12 vikum!!!! Ef maður nær því markmiði sem maður setur sér fær maður námskeiðið frítt og það kostar skal ég segja ykkur um 190000 kr. Svo nú er bara að setja sér raunhæft markmið og standa sig vel eftir áramót. Ég hugsa að ég setji mér það markmið að missa á milli 8-10 kg á þessum 12 vikum - svo verður bara að sjá hvort Abba samþykkir það markmið!!! Já til ykkar sem lesa...afmælisveisla á sunnudag - bara kökur úr danska kúrnum - nei nei bara að stríða!!!!! Hringi í ykkur í vikunni.

rólega.....

2005-11-22T17:05:00.000-08:00

Ég fór ekki á vigtina á Bjargi í gær!!!! Fór svo áðan á dönsku vigtina....-800 gr farin hægt og bítandi gengur þetta - 7 kíló síðan í september!!!!! (skv dönsku). Ég er barasta ánægð með það!!! Hugsið ef ég missi að meðaltali um 800 gr á viku í eitt ár - hvað eru þá mörg kíló farin eftir árið? Það eru ansi mörg skal ég segja ykkur. Ég fékk svo fullt af uppskriftum fyrir jólin - af kökuuppskriftum - margar ansi girnilegar - það verður gaman að prófa að baka.

Brekkuskógur í Borgarfirði?

2005-11-21T13:39:00.001-08:00

Ég er snillingur. Ég panntaði sumarbústað á fimmtudagskvöldið í Brekkuskógi. ÉG var alveg sannfærð um að Brekkuskógur væri í Borgarfirði - svo sannfærð!!!!! Eeeeen Brekkuskógur er alls ekki í Borgarfirði heldur á suðurlandi - rétt hjá Laugarvatni, Gullfoss og Geysi. ÉG var að segja við eina í vinnunni að ég væri að fara suður um helgina og ætlaði að vera í Brekkuskógi - það er nú svo stutt frá Reykjavík...maður er nú bara um 40 mín að keyra á milli Reykjavíkur og Borgarnes!!! Það kom nú heldur betur skrýtin svipur á viðmælanda minn sem sagði mér að Brekkuskógur væri alls ekki í Borgarnesi. Ég fór í panic heim og hringdi í félagið og fékk allt saman endurgreitt!!!! Sem betur fer...hefði ekki viljað keyra alla leið á suðurlandið. En við fórum samt suður, gistum í stúdíoíbúð á Þórsgötunni. Keypti svo jólafötin á krakkana. Ágætis ferð - hlustaði á Kalla á Þakinu svona 10000000000 sinnum um helgina - ég ætla að henda diskinum!!!!

Brekkuskógur í Borgarfirði?

2005-11-21T13:39:00.000-08:00

Sátt

2005-11-15T18:07:00.000-08:00

Já ég er sátt. Ég fór á dönsku vigtina áðan - alveg sannfærð að ég hafði ekki misst eitt gram eeen ég var búin að missa 600 gr sem er furðulegt því samkvæmt Bjargvigtini sem ég stalst á í gær hafði ég ekki misst neitt!!! Svo núna er ég alveg orðin kolrugluð á þessum vigtum sem aldrei eru sammála um neitt. Hvenær ætli ég læri af reynslunni????? Seint seint seint......

Fór í foreldraviðtal í skólanum hans Jóns í dag. Auðvitað fengum við að vita að barnið okkar er stórgáfað (enda á hann svo gáfaða foreldra) en eitthvað er hann óöruggur stundum og þarf að vinna í því - þarf að styrkja sjálfsmynd hans!!!!! En það var allavega gott að vita að hann stendur sig með sóma í öllum greinum!!!

heimavinnandi húsmóðir

2005-11-11T00:37:00.000-08:00

Vá hvað þessir dagar eru lengi að líða!!! Ég er búin að vera heima í tvo daga með Ingunni...hélt að ég gæti farið í vinnuna á morgunn því að Ingunn var búin að vera hitalaus í dag.....mældi hana svo í kvöld og þá var hún aftur komin með hita. Phu phu phu þetta eru langir og strangir dagar!!!! Ég held að ég gubbi ef ég þarf að horfa á Emil einu sinni enn..nú eða gömlu leikföngin og svo ekki sé minnst á Gunna og Felix. Ég er örugglega búin að lesa allar bækur heimilisins svona 300 sinnum, búin að nota alla liti heimsins og klippa út svona 30000 fígúrur úr pappír!!!! Þess á milli servera ég jógúrt og bananabrauði. En það er ljótt af mér að kvarta svona, ég á að vera fegin að ekkert verra ami að barninu en smá kvef og hiti. Skamm Skamm!!!!

Ég fór með Jón til læknis í dag. Hann kom heim úr skólanum og kvartaði sáran undan eyrnaverk. Enda kom í ljós að það er vökvi í eyrunum. Við eigum að prófa nezeril í viku en ef nefkvefið lagast ekki eigum við að koma aftur. Ég bað svo hin góða lækni um læknisvottorð því að ég er búin að vera svo mikið frá vinnu en að því að ég var á bráðavakt þá gat hann ekki veitt mér þessa þjónustu - sem þýðir að ég þarf að vera í símanum í fyrramálið - ef ég man þá eftir því að hringja.

engin límmiði

2005-11-08T23:06:00.000-08:00

Ég fór í viktun í dag...fór á dönsku..og ég fékk ekki límmiða. Mig vantaði 100 gr!!! Ég léttist sem sagt um 900 gr þessa vikuna -ágætt ég er svona nokkuð sátt. Ég á ennþá dálítið erfitt með að borða allan þennan mat sem á að borða - ótrúlegt en satt. Þetta er alveg ótrúlegt magn sem þarf að borða.

Ingunn Erla er orðin lasin. Það var hringt úr leikskólanum og var hún komin með hita og var voðalega slöpp. Það var búið að hringja út um allt til þess að reyna að ná í mig. Ég var nefnilega ekki í vinnunni heldur á jarðaför og auðvitað var slökkt á gemsanum. En að lokum náðist í mig og ég fór og sótti skottið. Við mæðgur verðum því heima næstu daga...nú þarf ég að fara að hringja út svo að ég komist í leikfimi á morgunn. Ég fór nefnilega ekki á mánudaginn því það voru allir svo þreyttir eftir daginn - bæði ég og börnin. En það er varla hægt að missa af tveimur æfingum í sömu vikunni - eða hvað?

Slæmur bílstjóri?

2005-11-03T23:50:00.000-08:00

Úff ég er slæmur bílstjóri!!! Þegar ég var búin að skutla Ingunni í morgunn átti ég góðan tíma þar til ég átti að byrja í vinnunni. Það var eitthvað áhugavert í útvarpinu svo ég ákvað að keyra út í Kjarnaskóg til þess að hlusta á það sem var í útvarpinu og láta tímann líða aðeins..var ekki á því að fara alveg strax í vinnunna. Ég keyrði út í Kjarnaskóg og snéri svo við svo ég gæti drifið mig í vinnu. OG viti menn..ég endanði nærri út í skurði..bílinn fór að rása á veginum og ég panicaði og reif í stýrið (sem maður á auðvitað allsekki að gera) og pikk festi bílinn út í skurði. Hjálp vá hvað ég titraði og skalf..og hvað gerir maður í neyð - hringdi hálf skælandi í Sigga og bað hann að koma eins fljótt og hann gæti - ég væri föst í kjarnaskógi..skellti svo á hann en fattaði að ég var alls ekki í Kjarnaskógi heldur á veginum að Kjarna svo ég hringdi aftur og gaf betri leiðbeiningar hvar hann gæti fundið mig. Á meðan ég var að bíða eftir Sigga þá keyrði jeppi fram hjá mér..og ég skal láta ykkur vita að það fór alls ekki á milli mála að ég var í svaka vandræðum - hálf ofan í skurði - bíllinn hallaði vel á hliðina!!!! en jeppadruslan stoppaði ekki til að athuga hvort allt væri í lagi - hvort mig vantaði einhverja aðstoð!!!!!!!!!!!!

en jæja Siggi bjargvættur kom og reddaði málunum - kom með vinnufélaga með sér sem hoppaði um allar grundir í leit að öflugum bíl til að draga mig upp!!!! þeir gerðu svo bara grín að mér og sögðu synd að þeir höfðu ekki myndavél til að mynda þetta óhapp - þetta væri góður brandari fyrir spjall á kaffistofunni!!! En að lokum kom að jeppi sem dróg bílinn upp úr skurðinum og það var skelfingin ein að horfa á!!! Vegurinn er svo þröngur að bílinn sem var að draga bílinn minn var nærri komin út af hinu megin. En allt fór vel að lokum - nema að ég skalf fram að hádegi og þorði varla að keyra eftir þessa raun!!! Þetta kennir manni bara eitt - drífa sig strax í vinnu og hætta öllu hangsi!!!!!

ruglandi tölur

2005-11-01T19:05:00.000-08:00

Ég fór á Bjarg í gær og gat ekki setið á mér og steig á vigtina...hafði þar bara lést um 400 gr og var ógeðslega fúl!!! Fór svo á dönsku vigtina í dag og var dauðnervös...en þar hafði ég lést um 800 gr síðan síðast!!!! Ég VERÐ að reyna að halda mér við eina vigt.....það er svo ruglandi að sjá alltaf svona mismunandi tölur...en ég missti s.s. 800 gr og þar af leiðandi fékk ég ekki broskall/límmiða í bókina mína. Maður fær nefnilega bara límmiða ef maður missir eitt kíló eða meira - þvílikt rugl!!!!!!!!!!! En ég hef s.s. misst um 5 kíló síðan í september, verður maður ekki að vera sáttur við það?
Nú ætlum við Siggi að fara að mála forstofuna - LOKSINS- sjálfboðaliðar mega koma og mála...einhver sem býður sig fram?

danska viktin!!!!

2005-10-25T12:11:00.000-07:00

Oh ég fór á dönsku viktina áðan...þar hafði ég bara lést um 1.3 kg...sem sagt 700 gr munur frá því í gær.( munið að það munaði 400 gr á viktunum og svo auka 300 gr í dag). Ég held að ég verði að halda við mig eina vikt því það er hálf svekkjandi að sjá alltaf mismunandi tölur. En ég fékk broskall í bókina (viktarbók) mína - ég verð að segja að mér finnst það hálf hallærislegt - Jón fær svona límmiða þegar hann vinnur vel í skólanum!!!! Viktarráðgjafinn var samt ánægð með mig og sagði að ég væri á réttri leið svo að ég er barasta nokkuð sátt!!!! Ég keypti mér svo matreiðslubók sem inniheldur fullt af uppskriftum fyrir okkur sem eru á den danske...

virkar!!!!

2005-10-24T15:32:00.000-07:00

ég held barasta að danski kúrinn virki eitthvað!!!! Ég byrjaði á fimmtudaginn að borða samkvæmt danska kúrnum og var þá búin að sukka bæði á þriðjudag og miðvikudag. Ég var á Bjargi áðan og var að láta vikta mig - og vitið þið bara hvað!!! 1.6 kg farið. Mér finnst það frábært og það gefur manni mikið að sjá viktina fara svona vel niður - já það er ánægð kona sem fer að sofa í kvöld!!!!!! Svo að þið sjáið mig áfram borða kál og gulrætur og annað gott grænmeti, ég vil ég get ég ætla!!!!!

matur matur matur

2005-10-23T12:21:00.000-07:00

Ég geri ekkert annað þessa dagana en að borða!!!! Ótrúlegt en satt maður er sí étandi á þessum danska kúr..ég á stundum erfitt með að koma öllu ofan í mig af því sem á að borða. Þið ættuð að sjá hvað ég þarf að borða mikið í hád og kvöldmat - ótrúlegt. Ég fer í mælingu á Bjargi á morgun...verður spennandi að sjá hvort eitthvað hefur farið...nýjustu tölur koma s.s. annað kvöld!!!! En svo þarf ég aftur á vikt á þriðjudaginn!!! og maður er um 400 gr þyngri þar svo að...á ég að vikta mig á Bjargi eða láta dönsku viktina duga? svarið nú!!!!

Dagur 1

2005-10-20T00:57:00.000-07:00

Ég byrjaði í morgunn að borða samkvæmt danska kúrnum. Það gekk vel að borða í morgunn, maður verður vel saddur af öllum þessum mat. Fékk mér svo 1/2 banana um 10 leytið. Svo var komið að hádegismatnum og ég get sagt ykkur það að ég var nærri klukkutíma að koma öllum matnum ofan í mig. Ég var með 300 gr af salati (kínakál, rauðlauk, gula, appelsínugula og rauða papríku) og um 100 gr af túnfiski. Ég er görsamlega að springa núna en vonandi sjatnar þetta fljótt!! Ég á svo eftir að borða 2 ávexti, og svo aftur 300 gr af salati og kjöti í kvöld auk einnar brauðsneiðar, ost og fleira sem maður þarf að borða yfir daginn!!!!! Já maður verður svo sannarlega ekki svangur þegar maður borðar eftir þessari uppskrift!!!!!! Ég á nú eftir að sjá að maður getur lést eitthvað eftir allt þetta át...en dæmin hafa sýnt að fólk léttist svo sannarlega. Þá er bara að halda þetta út!

Danski kúrinn

2005-10-19T00:59:00.000-07:00

Ég fór í viktun á mánudaginn...700 gr aftur!!!!

Í gær fór ég svo og skráði mig á Danska kúrinn....fór á dönsku viktina og var þá 400 gr þyngri en á viktinni sem er á Bjargi!!!! Mér líst ljómandi vel á þennan danska kúr...sem er ekki kúr heldur bylting í matarræði. Maður á að borða þessi ósköp af mat..t.d. á að borða eins brauðsneið með t.d. osti á morgnana, einn ávöxt og t.d. cheerios með ab mjólk eða undanrennu!!!! phu og ég sem er ekki dugleg að borða á morgnana...svo á að borða þessi ósköp í hádeginu og í kvöldmatnum - einhvernvegin getur maður ekki ímýndað sér að maður getur lést eftir að hafa borðað allan þennan mat!!!!!

En ég ætla að prófa, svo núna þarf ég að fara og kaupa mér tölvuvikt (því það þarf að vikta allt ofan í sig) og fullt fullt af grænmeti og ávöxtum - maður á nefnilega að borða minnst 600 gr af grænmeti á dag og borða 4 ávexti. Góður kúr fyrir þá sem finnst gaman að borða. Núna þarf ég svo að ákveða hvort ég haldi áfram að vikta mig á tveimur stöðum eða hvort ég láti nú dönsku viktina duga...það er svoooo gaman að stíga á viktina(eða hitt þó heldur)....

Mæling

2005-10-12T12:52:00.000-07:00

Ég fór í mælingu á mánudaginn, var hrædd um að viktin hefði farið upp á við vegna þess að ég hafði ekkert geta æft í síðustu viku...en ég missti s.s. 700 gr. Lítið ég veit en þó samt eitthvað!!! Ég dreif mig svo í leikfimi þrátt fyrir að vera ennþá með í bakinu en það versnaði nú ekki svo að ég ætla að halda áfram að mæta, næsti tími í kvöld!!!

Rólega gengur það....

2005-10-03T22:36:00.000-07:00

Phu var í viktun áðan - 100 gröm farin síðan í síðustu viku - phu þvílík vonbrigði!!!!!! Það eins jákvæða var að fituprósentan og kg eitthvað hafði lækkað til muna - sem bendir til þess að ég sé farin að byggja upp vöðva!!! Enda búin að fara í tvo body pump tíma(hahahahah). En maður verður barasta að bíta í það súra að hafa ekki mist meira en svona er lífið er það ekki!!!

Ég gerði heiðarlega tilraun að fara í leikfimi....var í upphitun og var þá komin með svo mikla verki í bakið að ég hætti!!! Aumingjaskapur! ég veit ég veit en ég ætla að reyna að taka því rólega á morgun og mæta svo eldhress á miðvikudag í leikfimi!!!!! Á maður ekki að vera bjartsýn?

Bakverkur

2005-10-03T05:43:00.000-07:00

Ansans vandræði!!! Ég er með svo mikinn hálsríg og verki í baki sem leiða niður í fætur að ég get hvorki setið né staðið - ætla samt að reyna að fara í leikfimi í kvöld..viktun og skemmtilegheit!!! En það verður örugglega erfitt að hreyfa sig þegar maður er görsamlega að drepast í bakinu!!!! Ég svaf nefnilega í sófanum aðfaranótt sunnudags. Jón Óskar fékk ælupest og var búin að æla rúmið mitt allt saman út, sængin var blaut eftir allt gubbið svo við ákváðum bara að sofa í stofunni, ég og Jón svona ef hann þyrfti nú að gubba aftur. Það gerðist samt ekki og þegar ég vaknaði á sunnudagsmorgunn gat ég varla hreyft mig.. Kanski lagast þetta í hoppinu í kvöld?!

Body pump

2005-09-30T05:33:00.000-07:00

Ég fór í leikfimi í gær..vegna þess að ég missti af leikfimistímanum á miðvikudaginn. Ég ákvað að fara í Body pump og það eru sko tímar fyrir mig..lítið um hopp bara verið að lyfta og æfa líkamann. En oboy oboy hvað ég er með mikla stengi í dag!!! Ég ætla samt að drífa mig í leikfimi í kvöld. Er að vísu að fara í sláturgerð en ég ætla að fá að fara í miðjum kliðum til þess að hoppa aðeins og skoppa!!!! En eitt er víst að ég ætla að fara aftur í Body pump!!!! Æðislegir tímar!!!

Veikindi

2005-09-28T16:43:00.000-07:00

Eins og allir vita þá er miðvikudagur i dag sem þýðir að ég átti að fara í leikfimi í dag. En því miður varð ekkert af því hún Ingunn mín veiktist í leikskólanum - fór að æla. Það er oft hægt að biðja um pössun ef börnin eru veik en maður leggur ekki á neinn að sitja yfir barni sem ælir öllu sem kemur ofan í það!! Greyið Ingunn hefur verið ælandi í allan dag og fram á kvöld en sofnaði um 9 og hefur þegar þetta er skrifað rétt fyrir miðnætti ekki ælt ennþá!!!! Gunnar tengdapabbi ætlar að vera með hana í fyrramáli ef hún er hætt að æla og svo kemur Siggi kanski á morgun og ef að svo verður ætla ég að reyna að komast í leikfimi á morgunn - annars bara á föstudaginn. En svona er lífið maður getur ekki alltaf gert það sem maður hefur ætlað sér.

Nýjustu tölur

2005-09-26T15:23:00.000-07:00

Jæja nýjustu tölur frá viktun!!!! 109.6 ég hef sem sagt misst 1.4 kg á einni viku. Fituprósentan er eitthvað að stríða mér vegna þess að þrátt fyrir að missa smá þá hækkar fituprósentan - óskiljanlegt og leiðinlegt!!!! En smá árangur alltaf gaman þegar maður sér viktina detta niður!!!!! bara 9,6 kiló eftir til að ná markmiði mínu fyrir jól!!!!!!!!! á tíu vikum sem gerir kíló á viku!!!! kanski ekki alveg raunsætt en við verðum bara að sjá hvernig gengur!!!

helgin afstaðin!!!

2005-09-26T15:12:00.000-07:00

Ég held að það hafi bara gengið vel um helgina - var með nammidag á laugardaginn og fékk mér popp poppað upp úr ico4 og sprite zero með....núna er bara að bíða eftir kvöldinu og athuga hvað viktin segir!!!!!!

Siggi er farinn á Reyðarfjörð og verður fram að helgi svo núna hefst hið skemmtilega pússl með blessuð börnin. Það er fundur hjá mér á morgun í vinnunni svo ég þarf að fá pössun fyrir þau þá og svo þarf ég eitthvað að gera við þau á meðan ég fer í leikfimi - ætla að prófa í kvöld að taka þau með og setja þau í pössun. Að vísu eru þau bæði dauðþreytt eftir langan dag í skóla og leikskóla en við verðum barasta að sjá hvernig gengur. Segjum þetta gott í bili - ég ætla svo að skrifa inn nýjustu tölur í kvöld....

helgin....

2005-09-23T12:44:00.000-07:00

Haldiði að ég hafi ekki drifið mig á Bjarg í gær...fór í tækjasalinn í kennslu hjá Öbbu...fer svo í tíma til hennar í dag- hef þá æft 4 sinnum þessa vikuna - dugleg er ég finnst ykkur ekki? En núna er að koma helgi sem ég kvíði alltaf aðeins fyrir því þá ruglast alltaf rútinan og maður er ekki eins duglegur að borða reglulega og rétt...en vonandi gengur það nú!!! Svo er stóri dagurinn á mánudaginn...ég er að vona að viktin hafi eitthvað minnkað - hef allavega verið dugleg að passa mig í matarræðinu - ef ekkert gengur á mánudaginn veit ég ekki hvað ég þarf að gera til þess að léttast..en meira um það á mánudag!!!!!

æfingar

2005-09-22T05:55:00.000-07:00

Ég dreif mig á Bjarg í gær þrátt fyrir mikla stengi í lærunum - hélt að ég gæti ekkert en annað kom á daginn. Þegar maður var búin að hita vel upp þá virkuðu lærin vel!!! Teygði svo vel á eftir og er ekki eins slæm í dag eins og undanfarna daga. Ætla meiri segja að skella mér á Bjarg á eftir - fara í tækjasalinn með Öbbu!!!! Já það er sko tekið á því þessa dagana. Mataræðið gengur ágætlega, ég reyni eins og ég get að sneiða fram hjá brauðinu og gengur það svona ágætlega held ég....fann frábæran rétt í Hagkaup í gær..ávaxtadollu fulla af ferskum niðurskornum ávöxtum...mmmm mjög gott eftir æfingu....en helgin fer að koma og þá lendir maður oft í vanda...maður verður bara að reyna að borða reglulega.

lítill árangur

2005-09-21T06:01:00.000-07:00

Jæja þá er maður búin að fara aftur í viktun - og hún stóð barasta í stað. Það var að vísu lítið að marka held ég (vona ég) því ég var að koma úr flugi og var með fullt af bjúg á fótunum....vonandi fær maður bara betri tölu næst þegar stigið verður á viktina!!!! En það var ofboðslega erfitt í leikfimi á mánudaginn...ég var dauðþreytt en jafnframt mjög ánægð að hafa drifið mig þrátt fyrir þreytu og bjúg...en oboy oboy hvað ég er með mikla strengi í lærunum eftir tímann...ég get varla labbað upp stigann heima. En það er tími í dag og vonandi verður maður ekki alveg ónýtur í honum....

Mér finnst ég hafa staðið mig vel það sem komið er af vikunni í mataræðinu...t.d. var þessi fína marsipanterta í vinnunni í gær en ég sleppti því að fá mér af henni og fékk mér bara appelsínu í staðin - dugleg finnst ykkur ekki?

aftur viktun í kvöld....

2005-09-19T15:24:00.000-07:00

Jæja þá er komið viktun...það verður nú fróðlegt að sjá hvort eitthvað hefur farið - sem ég er nú efins um því að ég var að koma frá Póllandi og er með þvílíkan bjúg á fótunum -ái ekki gott. En ég ætla samt að láta mig hafa það að fara og láta vikta mig.....svo verðum við barasta að sjá hvort að eitthvað hafi gerst. Ég var nú nokkuð holl í póllandi - var ekkert að missa mig í sælgætisát eða brasaðan mat....Það verður líka fróðlegt að sjá hvort maður getur eitthvað í leikfimini....það er ekki laust við það að maður sé aðeins pínu (lesist mikið) þreyttur eftir ferðina. En ég skrifa aftur á morgunn með nýjustu tölur!!!!!

Námskeiðsbyrjun

2005-09-14T06:13:00.000-07:00

Jæja þá er maður byrjaður í átakinu....fór í fyrsta tímann á mánudaginn og það var skrýtinn sjón en jafnframt góð að vera í sal með fullt af fólki sem er að berjast í því sama og maður sjálfur. Ég þekki þónokkra í hópnum t.d. Eydísi frænku, Söndru frænku, Bjarna stórvin Mumma, Þóru sem vinnur með meir ásamt mörgum öðrum sem maður kannast ágætlega við. Phu phu ég steig á viktina og sýndi hún miður skemmtilega tölu sem ég þarf að sýna einhverntíma - ég er að safna í mig kjark til þess að skrifa hana hér inn...æi það eru svo fáir sem lesa þessa síðu svo ég læt þetta allt sama barasta flakka - er það ekki best!!!! Jæja góðir hálsar hér kemur hún...á ég að þora???? phu phu well ég mældist s.s. 111 kíló geri aðrir betur !!!!!! phu hvað þetta var gott að koma þessu frá sér. Markmiðið fram að jólum er að komast í tveggja stafa tölu "ÉG SKAL ÉG GET ÉG VIL" já nú þarf maður að fara taka á því!!!!! en mér líst mjög vel á tímana, Abba kennir 1x í viku, ÓLI maðurinn hennar Öbbu kennir okkur annan hvern miðvikudag og Sólrún þar á móti og svo er eitthvað óljóst hver er með föstudagana.....
en núna ætla ég að fara að skella mér til Póllands í fjóra daga...gaman gaman...læt ykkur svo vita á mánudaginn hvernig var í ferðinni og hvað viktin segir eftir 1 viku í átaki spennandi finnst ykkur ekki?

Námskeið

2005-09-09T05:53:00.000-07:00

Talandi um námskeið, ég held að ég ætti að drífa mig á íslenskunámskeið miðað við allar villurnar í síðustu færslu!!! Nú fer heldur betur að styttast í námskeiðið með stóru N - síðubitanámskeiðið.....oh hvað ég hlakka til að fá nýtt markmið í líf mitt...nú skal taka á því!!!! Svaka yfrirlýsing ég veit og nú þarf að nota helgina til þess að finna styrk til þess að standa við þessu stóru orð.

Hugleiðingar.....

2005-09-07T16:10:00.000-07:00

Mikil umræða er í vinnunni minni um megrun og heilsu svo mikil að stundum gengur út í öfgar!!!! Það eru þó nokkrar sem eru á fullu í líkamsrækt og svo aðrar sem ekkert gera fyrir sjálfan sig og eru þar af leiðandi alveg að klebera á umræðunum sem er um þessi mál og trúið mér það er OFT talað um þetta!!!!!!! Afhverju ætli það sé svo? Afhverju erum við svo uppteknar af útliti og megrun og staðalímýnd að okkur líður illa ef einhver nennir ekki að pæla í þessum hlutum. Áður en ég fór að taka mig í gegn leið mér oft illa yfir þessu tali og hálf skammaðist mig fyrir letina að nenna ekki að gera neitt. Svo fór ég í átak og tók fullan þátt í þessari umræðu - maður sogast inn og fer að tala um kílókaloríur - fituprósentur og fitumagn í mat. Ótrúlegt hvað maður getur verið fljótur að falla inn i svona umræður og missa sig görsamlega yfir fituinnihaldi mats......
Það vinnur með mér kona sem hefur örugglega lést um 30 kíló. Hún segist finna fyrir breyttu viðmóti i sinn garð. Konur (flottu konurnar á líkamsræktarstöðinni) sem aldrei töluðu við hana eða litu á hana áður koma nú og hrósa henni hvað hún lítur vel út...sem er auðvitað gott mál en mín hugsun er sú og hennar reyndar líka...afhverju var ekki talað við hana þegar hún var alltaf þung og feit...svarið nú sem vilja!!!!

Kitt� S��ubiti

2005-09-05T11:32:00.000-07:00

jæja vika þar til nýtt námskeið byrjar...vika enn til að sukka..nei nei núna þarf maður að fara að trappa sig niður eins og hver annar alki...best að taka þessu með ró...hætta í namminu í rólegheitum og hætta að drekka gos....mér hefur tekist þetta áður og ætla mér að ná árangri núna!!!!! Það er ekki hægt að vera í svona vondu formi..alls konar aukaverkanir og leiðindi komin aftur eins og vöðvabólga og bakverkir - þetta hvarf nefnilega allt saman síðast þegar ég tók mig á!!!!! Núna þarf ég bara að taka mig á og koma mér í gott form en það sem skiptir ekki síður máli það er að viðhalda því sem komið er!!!! Heja heja áfram áfram....

Fyrsta skrefið

2005-09-02T09:28:00.000-07:00

Jæja þá er búið að stíga fyrsta skrefið í átt að léttara lífi...ég fór nefnilega á Bjarg í dag og borgaði námskeiðið sem byrjar eftir 10 daga......og þegar maður er búin að fjárfesta 19000 kr í sjálfa sig þá hlýtur maður að vera duglegur að mæta....stelpan sem var að aðstoða mig sagði að ég mætti svo alveg fara að koma í leikfimi - hita mig upp fyrir átökin..góð hugmynd kanski ég reyni að fara að fara í smá tækjasal...þó ég myndi bara fara til þess að hjóla aðeins eða hlaupa....sjáum hvað verður. En fyrsta skrefið er allavega stígið og vonandi verða næstu skref eins létt og þessi í dag.

Aðlögun

2005-09-01T17:26:00.000-07:00

Jæja þá er maður komin í heim bloggara....ég ætla nú barasta að gera þetta fyrir sjálfa mig á meðan ég er að berjast við aukakílóin...já enn einu sinni er ég komin í heilagt stríð við aukakílóin...alltaf sama fjörið.
Maður verður að fara að trappa sig niður eins og áfengissjúklingarnir...borða aðeins minna í dag en í gær...drekka aðeins meiri vatn o.s.frv...átakið byrjar þann 14 september..sama dag og afi verður 90 ára. Þóra sem vinnur með mér ætlar að fara í síðubitana líka sem er frábært þá stendur maður ekki einn í þessu. Það er nú hálfgert eða algjört megrunaræði í Hæfingarstöðinni...maður er ekki maður með mönnum (ansi margir menn í þessari frásögn) ef maður er ekki með. En ég geri þetta algjörlega á mínum forendum, ég fann það að þegar ég léttist hér um árið þá lagaðist allt í skrokkinum, öll leiðindi hurfu svo að þetta er að mínu mati lífsnauðsýnlegt!!!! En látum þessu fyrsta bloggi lokið í bili...ég ætla svo að koma með allar mælingar og þyngdarmissir (vonandi ) inn á þessa síðu. Setja smá pressu á sjálfa mig..léttast fyrir framan alþjóð eins og Gaui og fleiri góðir..vonandi gengur þetta barasta allt upp.